2024-2025-ci tədris ilinə hazırlıqla əlaqədar həyata keçirilən tədbirlərdən biri də ixtisaslar və kurslar üzrə “Ali məktəb tərəfindən müəyyən edilmiş” fənlərin seçiminin aparılmasıdır. Fənlərin seçiminin gedişində Keyfiyyətin Təminatı Mərkəzinin müdiri f.d. İsmayılov İsmayıl, fakültə Tədris Metodik Komissiyasının sədri, Əmək bazarının nümayəndəsi Ələkbərov Fədai, kafedra müdirləri, fənn müəllimləri, Humanitar məsələlər üzrə dekan müavini dosent Aslanova Yeganə, tələbə ictimai təşkilatlarının nümayəndələri, tyutorlar (Əbilova Günəş, Həsənova Röya) və s. iştirak etmişlər. Hər bir kursda bloklar (semestrlər) üzrə fənlər elan edilmiş, müəllimlərin seçimə təqdim edilən fənlərin tədrisinə dair geniş məlumat vermələrinə şərait yaradılmışdır. Tələbələrə sərbəst seçim imkanı verilmişdir. Onlar münasibətlərini öz imzaları ilə ifadə etmişlər.