Kimya kafedrasının dosenti Mətanət Firuddin  qızı Rzayevanın  Kimya və biologiya müəllimliyi  II kurs tələbələrinə Qeyri-üzvi kimya-2  fənnindən  “II B qrup  elementlərinin ümumi xarakteristikası” mövzusunda açıq  dərsi olmuşdur.

Açıq dərsdə  AMEA-nın müxbir üzvi,  b.e.d., prof. V.Novruzov, dekan dos.İ.Alverdiyev, Kimya kafedrasının  müdiri dos. A.Məmmədova,  k.ü.f.d, b/m. X.Kəsəmənli, b/m. b/m. F.Məmmədova, b/m.L.Nmamazova, b/m. Ü.Sadıqova  iştirak etmişdir.

        Dos. M.Rzayeva açıq dərsdə əvvəlcə auditoriyanı keçmiş dərsə aid ümumiləşdirici  suallarla aktivləşdirdi, yeni  dərsin mövzusuna aid əlaqələndirici suallar verdikdən sonra  açıq dərsin mövzusuna  başladı. O, sink, kadmium və civənin müxtəlif təbii minerallarının kristallarını, onların kristal qəfəslərinin qruluşunu hər biri üçün xarakterik olan hibridləşmə vəziyyətini, yaranma səbəbi və uyğun fəza formalarına aid slaydlar nümayiş etdirdi.  Bundan başqa açıq dərsdə II B qrup elementlərinin alınma üsulları və kimyəvi xassələri tələbələrin nəzərinə çatdırılaraq, mühazirə dəftərlərində müvafiq qeydlər aparıldı. Ümumilikdə dərs yüksək səviyədə fənn müəllimi tərəfindən yüksək məsuliyyətlə təşkil edilmişdir.