Bu günlərdə Universitetin Kimya-biologiya fakültəsinin Kimya-biologiya müəllimliyi və Biologiya müəllimliyi ixtisasları üzrə son kurs tələbələri Göygöl Milli parkında çöl-tədris təcrübəsində olmuşlar. Təcrübənin keçirilməsində AMEA-nın müxbir üzvü prof.Vaqif Novruzov, dos.Zərifə Tağıyeva, müəllimə Gülnarə Quliyeva iştirak etmişlər. Göygöl Milli parkında tələbələrlə Azərbaycan Respublikası Ekologiya və Təbii sərvətlər Nazirliyi Bioloji Müxtəlifliyin Qorunması Xidmətinin rəisi Firudin Əliyev, Göygöl Milli Parkının elmi işlər və ekoloji maarifləndirmə və ekoturizm üzrə direktor müavini və s. qoruqların iştirakı ilə treninq keçirilmişdir. Daha sonra treninq iştirakçıları ilə birlikdə tələbələr  Göygöl ətrafının bitki örtüyü ilə tanış olmuşlar. Azərbaycanın Qırmızı Kitabının yeni III nəşrinə daxil ediləcək bitkilərlə tanışlıq tələbələrin böyük marağına səbəb olmuşdur.