12 mart tarixində fakültənin əməkdaşlarının son beş ildə (2019-2024) nəşr olunmuş dərslik və dərs vəsaitlərinin sərgisi keçirildi. Sərgidə Universitetin Elm və İnnovasiyalar üzrə prorektoru, millət vəkili Pərvin Kərimzadə, Humanitar məsələlər üzrə prorektor Gülsüm Fətəliyeva, Universitetin Azad Həmkarlar İttifaqı Komitəsinin sədri Afaq Qasımova, Azad Tələbə Həmkarlar İttifaqı Komitəsinin sədri Pərviz Adıgözəlov, Kimya-biologiya fakültəsinin dekanı İsfəndiyar Alverdiyev, kafedra müdirləri, professor-müəllim heyəti və tələbələr iştirak ediblər. 

Dekan İsfəndiyar Alverdiyev son illərdə fakültə  əməkdaşlarının Azərbaycan, Rus və İngilis dillərində kifayət qədər dərslik və dərs vəsaitlərinin çap olunduğunu diqqətə çatdırdı, kitabların professor-müəllim, eləcə də tələbələr üçün böyük əhəmiyyət kəsb etdiyini vurğuladı. Sərgidə nümayiş olunan  93 kitabın 8 ədədi dərslik, 10 ədədi  monoqrafiya, digərləri isə dərs vəsaitləridir.