Kimya kafedrasının  Üzvi kimya ixtisası üzrə II kurs  magistrantı  Hüseynzadə Qüdrət Şahin oğlunun 11 mart 2024-cü il tarixində  Kimya və biologiya müəllimliyi ixtisasında (tədris ingilis dilində) dos.A.Məmmədovanın rəhbərliyi altında  Üzvi kimya -1 fənnindən  “Alkynes” mövzusunda  açıq dərsi keçirilmişdir.  Dərsdə Təcrübə və karyera şöbəsinin müdiri. dos. C.Qarayev, Kimya kafedrasının müdiri dos. A.Məmmədova, dos. M. Rzayeva, b/m A. Zeynalova, və kafedrada Elmi-pedoqoji təcrübəsində olan magistrantlar iştirak etmişlər. Təcrübəçi magistrant Hüseynzadə Qüdrət Şahin oğlu ingilis dilində mövzuya aid ümumi məlumat verdikdən  sonra  çoxsaylı  slaydlar  üzərində  asetilen sıra karbohidrogenlərin adlandırılması, izomerliyi, sintez üsulları və fiziki-kimyəvi xassələri haqqında aydın, başa düşülən tərzdə ətraflı izahat verdi. Dərsin sonunda magistrant tərəfindən asetilenin sənayedə istehsalı və tətbiqinə aid ingilis dilində  bir neçə dəqiqəlik videoçarx nümayiş etdirildi. Ümumilikdə açıq dərs dos.C.Qarayev, dos.A.Məmmədova,  magistrant və  tələbələr tərəfindən yüksək qiymətləndirildi.