2024-cü il 2-4 sentyabr tarixlərində Türkiyənin İzmir şəhərində Ege Universiteti, Azərbaycan Respublukası Bakı Dövlət Universiteti və  Özbəkistan Respublikası Andijan Dövlət Universitetinin  birgə əməkdaşlığı ilə “Avrasiyanın biomüxtəlifliyinin qorunması” mövzusunda II Beynəlxalq konfrans keçirilmişdir. Bu konfrans Avrasiyada  ətraf mühitin pozulması nəticəsində insan həyatı üçün problem yaradan ekoloji  məsələlər və onların yumşaldılması istiqamətində qlobal prioritet olan çağırışlara  və yaranmış  strategiyalara  əsaslanıb. EGE Universitetində  baş tutan adı gedən konfrans Türk dövlətləri alimlərinin  bir platformada sağlam gələcək naminə tərəfdaşlıq və birgə faydalı fəaliyyətin  bariz nümunəsinin  təzahürüdür. Konfransda  Kimya-Biologiya fakültəsinin  Botanika kafedrasının professoru  Aynur Bayramova və dosenti Rəmidə Quliyeva  dəvət edilmiş məruzəçi kimi “Qarabağın bioloji müxtəlifliyi və müasir perespektivləri” mövzusunda çıxış edib. Konfransda  2 nəfər  Gəncə Dövlət Universitetindən başqa Respublikanın   müxtəlif Təhsil və Elmi tədqiqat İnstitutlarından  professor və müəllim, elmi tədqiqatçılar  nümayəndə heyətinə daxil olaraq əyani  çıxış etmiş, 70-ə qədər material konfrans materiallarına daxil edilmiş və məruzəçilər konfransa onlayn qoşulmuşdur.