Ekologiya və təbiəti mühafizə kafedrasının müəllimi, b.ü.f.d. Vüsal Musayevin Ekologiya ixtisasının III kursunda Təbii resursların dayanıqlı idarə edilməsi fənnindən “Mineral ehtiyatların səmərəli istifadə olunmasında iqtisadi alətlər” mövzusunda açıq dərs keçirilmişdir. Dərs seminar məşğələsi idi. Açıq dərsdə dekan prof. İsfəndiyar Alverdiyev, Tədris departamentinin direktoru dos. Elturan Yusifov, kafedra müdiri prof. Sevda Əhmədova və müəllimlər iştirak etmişlər. Vüsal Musayevin müəllim işlədiyi müddətdə ilk açıq dərsidir. Müəllim dərsi müasir təlim metodları əsasında tədris etdi. Tələbələrin dərsə hazırlıqlı olması, aktivliyi müəllimin pedaqoji səriştəsinin yüksək səviyyədə olmasının əyani sübutudur. Dərs motivasiyaedici idi, maraqlı müzakirələrlə yadda qaldı.